Axencia Galega das Industrias Culturais
XIX Festival de Teatro Afeccionado Agustín Magán
Unha iniciativa promovida pola Federación Galega de Teatro Afeccionado (Fegatea) en colaboración coa Xunta de Galicia
As obras que participan son cada ano seleccionadas por un xurado e representan as propostas máis interesantes dos grupos federados das catro provincias galegas. Deste xeito, o festival actúa de estímulo á creación, a innovación e á mellora da calidade do teatro amador galego. Como principais novidades este ano, o primeiro día dedicarase ao microteatro e o domingo 6, ás 12.00h, terá lugar unha representación para público familiar.
Programa no Salón Teatro:
Sábado 5
18:00h | Lume de Teatro do Ar
Historia envolta en mitoloxía e realismo máxico que impregna cada relación de amor e amizade, unha loita entre tradición e modernidade.
Todos os públicos.
Domingo 6
12:00h | A mirada das bolboretas a cargo de Lohengrin
Oso Mauro busca unha aperta distinta. Agora máis que nunca, que estamos escasos delas...
Teatro para público familiar
18:00h | Final de película a cargo de Ateaco
É de madrugada, a última sesión dun antigo cine. Os asistentes parecen confusos, mestúranse as ilusións coas decepcións...
Público + 14 anos
As representacións serán de balde, coincidindo co vinte aniversario do nacemento de FEGATEA, pero haberá que retirar as entradas dúas horas antes do espectáculo no despacho de billetes.
Datas anteriores
4 de setembro - 6 de setembro
Rúa Nova, 34. 15705, Santiago de Compostela
Teléfono: 881 867 229 (oficina) | 881 867 223 (despacho de billetes)
Prezo: Entrada gratuíta previo paso polo despacho de billetes, aberto desde 2 horas antes do comezo da función.