INCENDIARIA en coprodución co CDG: Microspectivas dun marica millennial
USCénica. Festival de artes escénicas
Compañía: Incendiaria
Microspectivas dun marica millennial nace das conversacións con Luís e Martín.
Nace da intimidade compartida. Desa intimidade máis persoal: A INFANCIA
O concepto base do proxecto é a memoria. Un recordo que reaparece cando Luís e Martín falan das fotografías de cando eran pequenos.
Do libro de Little Joe "Acórdome", "Acórdome, vinte e tres memorias de vinte e tres homes gai. En homenaxe ao auténtico Acórdome de Joe Brainard". De " We can be heroes" de Roberta Marrero.
Nace da necesidade de atopar as accións, os movementos, a poesía e a música que ferven na memoria máis física da miña infancia marica.
Microspectivas dun marica millennial é un espectáculo íntimo e cargado de poesía desde o que cuestionar as certezas impostas que predestinan a construción da identidade.
A partir da música e as artes do movemento,
Microspectivas dun marica millennial ofrece un espazo de transo no que redescubrir as raíces e refundar o presente.