Axencia Galega das Industrias Culturais

GRUPO DE TEATRO DOWN COMPOSTELA: Todos os camiños levan a Santiago

Dirección: Lucas Herrados

O Camiño de Santiago, as múltiples rutas que conducen á tumba do Apóstolo, é o motivo elixido este ano polo Grupo de Teatro Down Compostela para representar a súa undécima obra.

Dirixidos por Lucas Herrados, nesta obra participan 19 mozos con Síndrome de Down e discapacidade intelectual, que representarán sobre o escenario diferentes motivacións que teñen os miles de peregrinos que todos os anos visitan Compostela.

O humor e a ironía estarán tamén presentes nesta obra, na que os actores implicarán ao público como parte do espectáculo.

7 de xuño
/// 20.00

Salón Teatro
Rúa Nova, 34. 15705, Santiago de Compostela
Teléfono: 881 867 229 (oficina) | 881 867 223 (despacho de billetes)
Prezo: Entrada gratuíta ata completar a capacidade, previo paso polo despacho de billetes