Axencia Galega das Industrias Culturais

Xornada de portas abertas para conmemorar o Día Mundial do Teatro

0] O Centro Dramático Galego (CDG) compartirá coa cidadanía a celebración do Día Mundial do Teatro, que terá lugar o vindeiro luns 27 de marzo, cunha xornada de portas abertas na súa sede do Salón Teatro, en Santiago. Esta acción divulgativa busca achegarlle ao público tanto a historia deste edificio da zona monumental de Compostela, como as engrenaxes que se poñen en marcha tras o pano cara á escenificación dun espectáculo.

Con tal fin, organizarase un total de cinco visitas guiadas en horario de mañá (10.00, 11.30 e 13.00 h) e de tarde (16:30 e 18.00 h), gratuítas e axeitadas para todos os públicos. As prazas limítanse a 10 persoas en cada quenda de 45 minutos de duración e adxudicaranse por orde de solicitude entre as persoas que se inscriban a través do teléfono 881 867 226 / 228, en horario de 9.00 a 14.30 h, ou no correo electrónico centro.dramatico.galego@xunta.gal.

"Que tempos serán os que vivimos, que hai que defender o obvio", cita do dramaturgo Bertolt Brecht, serve de lema para estas visitas, que darán comezo no exterior do teatro.

27 de marzo

Salón Teatro
Rúa Nova, 34. 15705, Santiago de Compostela
Teléfono: 881 867 229 (oficina) | 881 867 223 (despacho de billetes)