Axencia Galega das Industrias Culturais

CARAMUXO TEATRO: Ela + Taller sobre Maruxa Mallo

Gran Teatro para os Máis Pequenos

Ela é a nova proposta de Caramuxo Teatro para todos os públicos. Ela crea un mundo fantástico a través das cores, a arte e o universo creativo da pintora Maruxa Mallo. Unha mistura de poesía, humor, teatro e danza onde descubrir o imaxinario desta muller excepcional. Un poema plástico para gozar en familia.

Caramuxo Teatro é unha compañía de teatro infantil e familar creada na Coruña en 2003 baixo a dirección de Juan Rodríguez e Laura Sarasola.

TALLERES

Se estás farto de aturar os teus pais e as súas compras de Nadal, este ano pídelles que te deixen antes nun dos nosos talleres, que se desenvolverán 2 horas antes de cada función. Poderás agasallalos cunha sorpresa feita por ti!

MOITA TEA QUE CORTAR. O teatro de monicreques
Xoves 21 e venres 22 de decembro de 17 a 19 h
MALLO EN DECEMBRO. Sobre Maruxa Mallo
Venres 29 e sábado 30 de decembro de 17 a 19 h
SOA IGUAL A DIFERENZA. O espazo sonoro da inclusión
Mércores 3 e xoves 4 de xaneiro de 17 a 19 h

Número de prazas dispoñibles: 30

Prezo: gratuítos para a Tarifa familiar e para os Bonos de 4 entradas. Neste caso será imprescindible a reserva telefónica previa das prazas dos talleres no teléfono 881 867 229.
5 € para as persoas que NON merquen a Tarifa familiar nin os Bonos de 4 entradas. Neste caso o pago do taller farase na billeteira do Salón Teatro 2 horas antes de cada función nos días previos ás funcións de Nadal, ou no mesmo día do taller desde media hora antes do comezo.

Todas as prazas asignaranse por estrita orde de reserva telefónica/compra ata esgotar a dispoñibilidade.

IDADE RECOMENDADA: A PARTIR DE 3 ANOS

29 de decembro - 30 de decembro
/// 19.00

Salón Teatro
Rúa Nova, 34. 15705, Santiago de Compostela
Teléfono: 881 867 229 (oficina) | 881 867 223 (despacho de billetes)
Prezo: Tarifa xeral (entradas soltas): 8 euros. Tarifa Familiar: 3 entradas (ou máis) para a mesma función= 18 euros (6€ cada unha). Bono: 4 entradas (ou máis) para distintas funcións de Nadal= 24 euros (6 € cada unha).