Axencia Galega das Industrias Culturais
PROXECTO NÓS: O mundo persistente
De Fernando Epelde
Tito Asorey, director
O mundo persistente é tamén un termo do campo dos videoxogos que denomina os universos virtuais que sobreviven en ausencia do xogador. Así que… agora, para estes mozos, o mundo persistente tornouse a única alternativa interesante fronte a un mundo exterior obsoleto e superado.
E todo semella non ter bordos neste mundo. E, por riba, as cousas flúen sen perturbacións nos videoxogos, ata que un destes mozos enferma e a mesmísima morte (unha morte de píxeles, aínda que morte ao fin e ao cabo) fai acto de presenza para propoñerlle un pequeno paseo a través do mundo real na compaña dos seus amigos.
Un paseo para alguén que xamais camiñou.
O Proxecto Nós
O mundo persistente é a nova proposta xurdida ao abeiro do Proxecto Nós Territorio (Es)Cénico Portugal Galicia, rede de intercambio teatral co país veciño na que a Consellería de Cultura, Educación e Ordenación Universitaria participa a través do CDG e a ESAD de Galicia.
Se a produción en 2015 de Bilingue/Bilingüe —espectáculo inaugural desta iniciativa— estivo coordinada dende Portugal, desta volta é o CDG o que lidera a posta en marcha deste segundo título do Proxecto Nós. Pola banda portuguesa, están implicadas a Escola Superior de Teatro e Cinema (ESTC) de Lisboa e mais a Escola Superior de Música, Artes e Espectáculo (ESMAE) de Porto, así coma os teatros nacionais D. Maria II e São João.
O obxectivo do Proxecto Nós é desenvolver unha rede de circulación de artistas novos, formados nas tres escolas participantes, nun contorno de traballo profesional, que incida, ao tempo, no impulso das relacións entre as escenas de Galicia e Portugal.
Datas anteriores
19 de xuño
/// 16.30
Sala Estudio
16 de xuño - 18 de xuño
/// 21.00
Sala Estudio
15 de xuño
/// 19.30
Sala Estudio
12 de xuño
/// 16.00
Teatro Carlos Alberto TeCA
8 de xuño - 11 de xuño
/// 21.00
Teatro Carlos Alberto TeCA
5 de xuño
/// 18.00
Rúa Nova, 34. 15705, Santiago de Compostela
Teléfono: 881 867 229 (oficina) | 881 867 223 (despacho de billetes)
1 de xuño - 4 de xuño
/// 21.00
Rúa Nova, 34. 15705, Santiago de Compostela
Teléfono: 881 867 229 (oficina) | 881 867 223 (despacho de billetes)
Prezo: 10 € | 6 € (persoas desempregadas, maiores de 65 anos, xubiladas, carné xoven, carné de estudante, profesionais das artes escénicas ou do xornalismo).