Axencia Galega das Industrias Culturais

EME2: Meu ben

Autoría: Elaine Murphy
Dirección: Álvaro Lavín

Amor, sexo, vida, morte e clases de salsa. Tres xeracións de mulleres. Un ano extraordinario.

Amber vive sen preocupacións, acabada de saír do instituto, está no mellor da vida, mocea cun tal Paul e anda de festa rachada.... ata que sofre unha molesta "indixestión". A súa nai Lorraine ataca un cliente no traballo polo que ten que visitar un "médico da cabeza"que lle receita facer algo bo para ela mesma unha vez por semana: é hora de se apuntar a clases de salsa! A avoa Kay, pola súa banda, tenta sentirse viva nos frustrantes sesenta mentres coida do seu marido enfermo. Tres xeracións de mulleres de clase media contan a historia dun ano extraordinario.

Estreada en 2008 pola compañía Guna Nua rapidamente se converteu nun éxito. En 2009 foi galardoada co prestixioso premio Carol Tambor do Festival de Edimburgo sendo a primeira produción irlandesa en levar esta distinción. Desde aquela leva cativando ao público arredor do mundo con producións nas Illas Británicas, en Australia e en Nova York. Agora chega ao estado español da man de Eme2.

A autora di:
Cando comezas a escribir, a xente sempre che di: "Escribe sobre o que sabes". Traballando como actriz nos últimos dous anos, sempre tiven a vontade de escribir algo sobre min mesma. As historias decentes non son moitas, e por iso apenas me sinto identificada coas mulleres que representan nos escenarios.

Eu traballo a tempo parcial nunha organización de saúde para a mulleres. Meu Ben creceu a partir de aí, é unha mestura de todas as mulleres que coñecín nos últimos anos: traballadoras, non particularmente ricas nin pobres, ignoradas durante o Tigre Celta, para as que a recesión non suporá un gran cambio, xa sabes, as mulleres coma nós, seguimos tirando para diante. (Elaine Murphy)

Ficha artística
Elenco:
Amber: Rocío González
Kay: Elina Luaces
Lorraine: Mercedes Castro

Tradución: Avelino González e Olga F. Nogueira
Asesoramento lingüístico: Sandra Romaris e Xocas López
Espazo sonoro: Anxo Graña
Iluminación: Afonso Castro
Videocreación: Roi Fernández
Vestiario: Mari Seoane
Fotografía: Janite
Deseño gráfico: unQuilo
Comunicación: Sonia Díaz Nócomún
Deseño de produción: Xocas López
Produción executiva: Anxo Graña
Coordinación técnica e loxística: Anxo Graña
Distribución: Julio Perugorria

8 de xuño
/// 18.00

Salón Teatro
Rúa Nova, 34. 15705, Santiago de Compostela
Teléfono: 881 867 229 (oficina) | 881 867 223 (despacho de billetes)

4 de xuño - 7 de xuño
/// 20.30

Salón Teatro
Rúa Nova, 34. 15705, Santiago de Compostela
Teléfono: 881 867 229 (oficina) | 881 867 223 (despacho de billetes)