Axencia Galega das Industrias Culturais

TEATRO BRUTO: O que vai na cabeça do menino Manuel

Colaboración co Concello de Santiago

A partir de textos de Manuel António Pina
Dirección: Ana Luena

O que vai na cabeça do menino Manuel xorde dun convite de Rute Pimenta, programadora do Serviço Educativo do Teatro do Campo Alegre, para dirixir un recital de poesía a partir dun conxunto de poemas seleccionados polo poeta Manuel António Pina e dirixido a un público infantil. A proposta de dirección do espectáculo estivo inspirada polo universo que atravesa todos os poemas desa selección e se asenta nunha idea simple da creación dun recital. A composición dos textos que propoñemos crea a ilusión dunha historia que vai sendo inventada e contada durante a presentación do espectáculo. Partindo da idea de que a poesía está gardada en cada un de nós, como un paxaro que canta dentro da nosa cabeza, ofrécese a nacer e a desnacer e vai emerxendo naturalmente no xogo teatral.

Apropiámonos das palabras do autor e da súa poesía, que nos conquistou de inmediato, sendo o noso maior desexo que as súas palabras e a nosa creatividade atesten da mesma forma ao noso público que abrazamos neste momento que é o do teatro.

Un espectáculo musical onde un actor e un músico teñen a misión de presentar un recital de poesía, mergullándose nun universo infantil de brincadeira e de aprendizaxe, no mundo secreto e onírico das palabras e dos números. Eles inventan códigos, personaxes imaxinarios e xogos, mentres os poemas se liberan da cabeza do neno Manuel.

Ana Luena/Teatro Bruto

Ficha artística:
Interpretación: Pedro Mendonça (actor) e Rui Lima (músico)
Deseño de luz: Rui Monteiro;
Escenografia e figurinos: Ana Luena;
Música orixinal: Rui Lima
Fotografía: José Alexandre Simões
Produción executiva (Teatro Bruto) Ana Fernandes
Coprodución: Teatro Bruto e Fundação Ciência e Desenvolvimento/Câmara Municipal do Porto
Duración: 45 min

18 de xaneiro
/// 18.30

Salón Teatro
Rúa Nova, 34. 15705, Santiago de Compostela
Teléfono: 881 867 229 (oficina) | 881 867 223 (despacho de billetes)
Prezo: Prezo especial de 5 euros. Desconto para familias: 4 billetes ao prezo de 3 (15 euros).