Axencia Galega das Industrias Culturais

TEATRO NACIONAL DONA MARIA II (Portugal): Gil Vicente na horta

Debut en Galicia do lisboeta Teatro Nacional Dona Maria II

Funcións promovidas pola Agadic en colaboración co Concello de Santiago
A partir de O Velho da horta e outros textos de Gil Vicente

O Teatro Nacional Dona Maria II de Lisboa pon en escena esta peza construída a partir de O Velho da horta, e outros textos de Gil Vicente, primeiro autor en lingua portuguesa que marcou a transición da época Medieval ao Renacemento. Nesta farsa, onde se exalta a vitoria da xuventude contra a vellez e a morte, o espectador é colocado diante dunha intriga enxeñosamente construída.
O Velho da horta é unha peza de enredo, na que se desenvolve unha acción continua e encadeada cun personaxe marcado polo conflito entre a razón e o sentimento amoroso: "Que morrer é rematar" e "amor non ten saída". A partir do sono-pesadelo do Velho, evócanse neste espectáculo algunhas das máis importantes obras de Gil Vicente: Todo o mundo e ninguém, Barca do Inferno, Auto da Cananeia, Auto da Alma, Auto da Festa, Auto Pastoril Português, Tragicomédia do Inverno e Verão e Auto da Índia.
A intemporalidade da obra de Gil Vicente é recuperada neste espectáculo popular, sagrado e profano que atravesa o tempo ata hoxe cunha cativante perspectiva sobre a sociedade contemporánea.

Dirección e escenografía: João Mota
Figurinos: Carlos Paulo
Deseño de luz: José Carlos Nascimento
Dirección musical e sonoplastia: Hugo Franco
Elenco: João Grosso, José Neves, Lúcia Maria, Manuel Coelho, Maria Amélia Matta, Alexandre Lopes, Marco Paiva, Simon Frankel e Bernardo Chatillon, Joana Cotrim, Jorge Albuquerque, Lita Pedreira, Luis Geraldo e Maria Jorge
Idioma: portugués

25 de outubro - 26 de outubro
/// 21.00

Teatro Principal
Rúa Nova, 21. 15701, Santiago de Compostela
Teléfono: 981542347