AGADIC: Carteleira

CDG en coprodución con Teatro do Noroeste:
Touporroutou da lúa e do sol

De Roberto Vidal Bolaño
Eduardo Alonso, director

Teatro do Noroeste coproduce co Centro Dramático Galego, e en colaboración coa Escola Superior de Arte Dramática (ESAD) de Galicia, esta nova versión do texto que moitos especialistas na obra de Vidal Bolaño consideran como o de máis alta calidade escénica de todos os que escribiu para o público infantil. O espectáculo, que se estrea o 4 de outubro no Salón Teatro de Santiago, insírese na programación especial que a Consellería de Cultura e Educación dedica este ano ao autor homenaxeado no Día das Letras, contribuíndo deste xeito á promoción e difusión da súa figura e da súa obra entre os espectadores máis novos.

Touporroutou da lúa e do sol preséntase como unha "farsada choqueira para actores e bonecos, ou viceversa" na que catro titiriteiros axúdanse dos máis diversos elementos para contar historias sobre a orixe destes astros, dos días e das noites, do diluvio universal e sobre como acertar cos tesouros e tratar os mouros, as fadas e, sobre todo, as serpes e os xigantes que os gardan.

Datas anteriores

26 de decembro

Auditorio Municipal Gustavo Freire
Lugo

15 de decembro

Auditorio Municipal
Narón (A Coruña)

2 de novembro

Teatro Campo Alegre
Porto (Portugal)

31 de outubro

Teatro da Cerca de São Bernardo
Coimbra (Portugal)

26 de outubro

Teatro de Garcia Resende
Évora (Portugal)

24 de outubro

Theatro Circo
Braga (Portugal)

19 de outubro - 20 de outubro
/// 18.00