Axencia Galega das Industrias Culturais

O FANTABULOSO CINE AMBULANTE DOS IRMÁNS LUMIEIRA: Sesión Nº 1

Dirección:Víctor Mosqueira
Elenco: Carlos Meixide, Tomás Lijó e Suso Alonso

Pasen e vexan, Os Irmáns Lumieira transportan nos seus caixóns tesouros únicos polos que pasan cómicos como Chaplin, Buster Keaton, Harold Lloyd, prestidixitadores como Méliès, Segundo de Chomón... E asombrosos e desconcertantes experimentos filmados por eles mesmos en película cinematográfica de 16 mm.

A compañía de nova creación O Fantabuloso Cine Ambulante dos Irmáns Lumieira presenta unha primeira sesión dedicada ao mundo do slapstick, o xénero cómico por definición da era do cine mudo, con dous dos seus grandes mestres. Harold Lloyd e Buster Keaton conforman, xunto con Charlie Chaplin, o triunvirato dos grandes cómicos do cine mudo americano. Os seus personaxes característicos, decote perdedores inocentes máis perseverantes nun mundo seguido cambiante, adquiriron cotas de brillantez nunca despois alcanzadas.

Esta Sesión Nº 1 está composta pola presentación e proxección de sketchs e trucos visuais propios dos Irmáns Lumeira e das curtametraxes: Never Weaken ( Viaxe ao paraíso , 1921, 23 min.) e One Week ( Unha Semana , 1920, 19 min.). No escenario, estarán os irmáns Lumieira: o irmán grande, Carlos Meixide, encarna a figura parlante destas proxeccións mudas, o narrador, o showman, o mestre de cerimonias. O irmán mediano, Tomás Lijó, é o científico; os proxectores de 16 mm son a súa debilidade, os rodillos, a película, cortar e pegar... E finalmente, o irmán pequeno, Suso Alonso, pianista de formación clásica cunha longa experiencia na vella arte de acompañar proxeccións.

Música: Suso Alonso
Escenografía: Natasha Lelenco
Atrezzo: Pepe Penabade
Vestiario e caracterización: Víctor Mosqueira
Produción: Tomás Lijó e Ana Triñanes

Cinematografía
Dirección e montaxe: Tomás Lijó
Fotografía e cámara: Alberto Díaz "Bertitxi"
Laboratorio: Super8 Reversal Lab

29 de abril
/// 18.00

Salón Teatro
Rúa Nova, 34. 15705, Santiago de Compostela
Teléfono: 881 867 229 (oficina) | 881 867 223 (despacho de billetes)

28 de abril
/// 20.30

Salón Teatro
Rúa Nova, 34. 15705, Santiago de Compostela
Teléfono: 881 867 229 (oficina) | 881 867 223 (despacho de billetes)