Axencia Galega das Industrias Culturais

TEATRO DE NINGURES: 0,7% Molotov

Dramaturxia e dirección: Santiago Cortegoso
Elenco: Rocío González e Salvador del Río; Armando Martén e Ana Beatriz Pérez (bailaríns)

ELA -neohippy solidaria- acaba de chegar de África. EL -nihilista solitario- contrátaa para facer a vendima. ELA namórase do vento que sobe do río. Descobre un lugar no que atopar unha identidade libre de conflitos, no que ser auténtica. EL está de volta dunha vida urbana hipócrita, na que vendeu a conciencia e a coherencia política en cómodos prazos. As uvas deste ano prometen un viño intenso, aromático, doce no padal. Pero a colleita non vai rematar. Nin as vides poden escapar das gadoupas dun capitalismo salvaxe que se expande coma o vento ata o máis afastado recuncho do mundo.

No contexto dunha hipócrita e consumista sociedade occidental, na que a solidariedade, o compromiso político e as conciencias se mercan en cómodos prazos, EL -nihilista e solitario- contrata a ELA -neohippy solidaria recén chegada de África- para que que lle axude a vendimar as uvas que o afastan das gadoupas dun capitalismo globalizado e salvaxe, que se expande como un gas que non pode evitar respirar nin no máis afastado recuncho dun mundo inxusto e contraditorio. ELA, sedenta dunha identidade libre de conflitos, expía as súas culpas entre a terra, as estrelas e un vento que os devolverá ao comezo do viacrucis.

Escenografía: Pablo Giráldez "O Pastor"
Iluminación: Paco Alfaro
Música orixinal: Anxo Graña
Vestiario:Marián Bañobre
Coreografías: Ana Beatriz Pérez, Armando Martén e Compañía de Danza Entremáns
Obra gañadora do XIV Premio de Teatro Rafael Dieste da Deputación da Coruña e finalista ao Premio Max 2012 ao Mellor Autor Teatral en Galego

18 de marzo
/// 18.00

Salón Teatro
Rúa Nova, 34. 15705, Santiago de Compostela
Teléfono: 881 867 229 (oficina) | 881 867 223 (despacho de billetes)

16 de marzo - 17 de marzo
/// 20.30

Salón Teatro
Rúa Nova, 34. 15705, Santiago de Compostela
Teléfono: 881 867 229 (oficina) | 881 867 223 (despacho de billetes)