FANTOCHES BAJ: Fábula Galénica
Mostra de Teatro Infantil de Nadal
Para todos os públicos
Esta obra para monicreques de luva ten a súa orixe no texto do mesmo nome, galardoado co VIII Premio Barriga Verde de textos para teatro de monicreques na modalidade infantil. Nel réndese homenaxe ás narracións tradicionais, ás radios de galena e á ciencia farmacéutica. A fábula conta a historia do rei Don Cardo, que decide construír un castelo que acaba cos recursos naturais e económicos do lugar. Este feito provocará a reacción dos animais que viven nos seus dominios.