Axencia Galega das Industrias Culturais

FUNBOA ESCÉNICA: Oiseau Rebelle

Autoría, dirección e interpretación: Paulina Funes e Cristina Balboa

Oiseau Rebelle (paxaro rebelde) é un espectáculo de teatro-danza verbal, plástico e sonoro que dialoga acerca do imaxinario amoroso e des-amoroso. Un ritual do corazón como músculo, como metáfora e como alimento.

O amor é un paxaro rebelde, / que ninguén o pode engaiolar, / e é inútil chamalo / se el non quere contestar. ('L'amour est un oiseau rebelle', Opera Carmen de Georges Bizet)

Somos vítimas e verdugos deste obxecto de desexo. Somos xogadoras do tres en raia, do escondedoiro, de bico, verdade e consecuencia. Estamos no miolo, no ollo do furacán, no centro de gravidade permanente. Sufrimos máis que ninguén, amamos mal, tarde e a rastro. Buscamos a Nemo, a Jacks, ao home do saco. Pintamos un corazón co teu nome dentro, unha acuarela de ilusión, a mona.

Funboa Escénica é unha compañía de recente creación que nace da man de Cristina Balboa e Paulina Funes, coa intención de crear novas ideas para dar acubillo ao teatro máis contemporáneo e a novas formas de entender o teatro como arte escénica.

Escenografía: Funboa Escénica
Vestiario: Funboa Escénica
Música: Carlos Suárez e Funboa Escénica
Iluminación: Paulina Funes

25 de novembro
/// 20.30

Salón Teatro
Rúa Nova, 34. 15705, Santiago de Compostela
Teléfono: 881 867 229 (oficina) | 881 867 223 (despacho de billetes)