Axencia Galega das Industrias Culturais

Mundo Lois

Coprodución de NORDESÍA, FILMANOVA e KACHET
Dirección: Lino Braxe

Mundo Lois é un espectáculo escénico ideado por Antón Reixa e dirixido por Lino Braxe que pretende universalizar a través da imaxe a obra de Lois Pereiro, a quen se lle dedica este ano o Día das Letras Galegas.

Co fío condutor da súa propia escrita, na voz do actor Lino Braxe, a actriz Antela Cid e unha ambiciosa escenografía audiovisual que se apoia nunha intensa e constante banda sonora interpretada por Alexandro González, Mundo Lois pretende subministrar a calquera espectador profano no coñecemento de Lois Pereiro unha visión fonda, sedutora e interdisciplinar da súa personalidade artística.

Lois Pereiro deixou un legado poético cunha linguaxe moi concreta, á vez moi visual, un universo de imaxes a través dos seus versos, a súa maneira de se enfrontar a medios, ilusións, ideas e paisaxes vitais que foi pouco e pouco percorrendo ata o momento da súa morte.

Dirección técnica e produción executiva: Paco de Pin
Música: Alexandro González
Audiovisual: Manu Paz e Antón Reixa
Axudante de dirección e coordinadora de produción: Cecilia Carballido
Elenco: Lino Braxe e Antela Cid

17 de maio
/// 21.00

Salón Teatro
Rúa Nova, 34. 15705, Santiago de Compostela
Teléfono: 881 867 229 (oficina) | 881 867 223 (despacho de billetes)