Axencia Galega das Industrias Culturais

Ciclo ST Música Presente: Bruma

A compañía pontevedresa Bruma protagoniza a segunda das actuacións do programa "ST Música Presente" no marco da que presentará o seu primeiro traballo discográfico, o DVD Nove espellos e unha caixa de música, editado por Cumio como resultado da gravación do espectáculo homónimo.

Consciente ou inconscientemente pasamos a vida buscando espellos humanos cuxo reflexo nos diga algo de nós. Algúns aborrecémolos, outros namórannos, pero nada, ou case nada, dura. A partir desta reflexión e nun ambiente melancólico, romántico, escuro e máxico desenvólvese esta produción onde a música é o son da danza e a danza, a imaxe do son.

Baixo a dirección artística e musical de Serxio Cobos, Nove espellos e unha caixa de música mestura elementos circenses, toques teatrais e a atemporalidade da danza tradicional, clásica ou contemporánea (interpretada polos bailaríns Uxía Portela, Manuel Covas, María Prieto, Mercedes Prieto, Iván Costa, Miguel Fraguas e Serxio Cobos).

13 de outubro
/// 21.30

Salón Teatro
Rúa Nova, 34. 15705, Santiago de Compostela
Teléfono: 881 867 229 (oficina) | 881 867 223 (despacho de billetes)