Axencia Galega das Industrias Culturais

Festival Sinsal. Extensión Salón Teatro: Woods

O grupo norteamericano Woods presenta o seu cuarto traballo, Songs of Shame, un disco campirano, onde sobresaen os ecos, as guitarras distorsionadas e as harmonías improvisadas, mesturadas con pinceladas psicodélicas e o lo-fi que os caracterizaba nos seus anteriores traballos At Rear House e How to Survive in the Woods.

Trátase dunha viaxe épica polo campo verde, pola madeira quente, un verán, un tempo para descansar xunto á natureza. Todo isto é Songs of Sham, un álbum simple, efectivo e cheo de vida.

Liderada por Jeremy Earl, revitalizador da escena underground estadounidense a través dos seus selos Fuck It Tapes e Woodsist, a banda de Brooklyn ten alcanzado nos seus pouco máis de catro anos de traxectoria unha destacada posición nos círculos do pop-rock alternativo.

As revistas especializadas cualifican o son de Woods de mestura entre folk campestre, rock, lo-fi, noise e psicodelia cun resultado moi efectivo. O de Santiago será o primeiro dos tres concertos que ofrecerá en España este grupo, que a continuación visitará Madrid e Barcelona como parte do cartel do Primavera Sound.

10 de decembro
/// 22.00

Salón Teatro
Rúa Nova, 34. 15705, Santiago de Compostela
Teléfono: 881 867 229 (oficina) | 881 867 223 (despacho de billetes)