Matarile Teatro: Truenos y misterios
Creación e dirección: Ana Vallés
Un científico, un mestriño de escola e actor, un bailarín e licoreiro, o profesor e eu. Asomámonos a un balcón e aí abaixo, eses seres que fomos, un desfile de datos non escritos —a pel non se escribe— aparentemente inservibles pero non esquecidos. Eliminado o decorado e extraídos do seu contexto —unha fábrica de coches, un ballet nacional, unha escola, un obradoiro de marionetas ou un laboratorio de universidade—, trasladados a un escenario e vistos agora desde a barreira, disecados ante o patio de butacas, estes personaxes non son máis ca produtos abraiados de ALGO —chamémoslle historia, cultura, familia, tempo— que non puideron ou non souberon controlar. E que se lles foi das mans!
