Axencia Galega das Industrias Culturais

Teatro de Ningures: Emigrados

Teatro-Estrea

Autores: Cándido Pazó, Xosé Manuel Pazos, Suso de Toro, Anxos Sumai e Sonia Torre
Dirección: Etelvino Vázquez

É a todas luces incontestable que o fenómeno da emigración constitúe o acontecemento socioeconómico máis relevante e significativo polo que pasou o noso país ao longo do século XX. Así, a partir de textos de cinco creadores de agora —Cándido Pazó, Xosé Manuel Pazos, Suso de Toro, Anxos Sumai e Sonia Torre— Teatro de ningures estrea esta montaxe ideada como un mosaico de pezas engarzadas. Pezas que, desde o tratamento específico da emigración, da inmigración, do retorno, do desenraizamento, compoñen un cadro xeral que permiten apreciar nitidamente o drama individual e social que supón estoutro xeito de exilio.
Unha oportunidade única para falar dun tema moi próximo, tratado desde a axilidade da linguaxe contemporánea e desde a ironía como vehículo de expresión e, sobre todo, desde a proximidade a todas aquelas persoas que viviron —sufriron— nas súas carnes o desenraizamento que supón a abandono forzado do que é propio.

21 de abril
/// 21.30

Auditorio Reveriano Soutullo
PONTEAREAS

23 de febreiro - 24 de febreiro
/// 21.30

Auditorio Reveriano Soutullo
PONTEAREAS