Axencia Galega das Industrias Culturais

Manuel Rodeiro: Fende-lo son

Música contemporánea

Ensemble instrumental: Felipe Glez. Agell (clarinete), Barta Fresco (piano) e Carme Garrigó (percusión)

Nome de crecente prestixio no ámbito da música contemporánea, non só como compositor senón tamén como teórico e divulgador, Manuel Rodeiro ten traballado para a Xunta de Galicia, o Centro Dramático Galego ou o Centro para a Difusión da Música Contemporánea; pezas súas foron a que abriu as celebracións programadas para o Xacobeo 93 (interpretada pola Orquesta y Coros Nacionales de España) ou a que compuxo para a apertura oficial do Centro Galego de Arte Contemporánea.
A súa música soou en salas de concertos e festivais como o I International Harp Festival, o Festival de Música Contemporánea de Barcelona, o Festival de Música de Estrasburgo ou o Phantom Arts (EUA). Mención especial merece a súa produción audiovisual para o teatro, o vídeo e o cine, onde destaca a creación da música orixinal para A Pedra, un dos seis traballos de videocreación que, prologados por Manuel Rivas e co título xeral de Seis olladas de Compostela, impulsou Canal+ co gallo da Capitalidade Cultural Europea do ano 2000.

18 de febreiro
/// 20.00

Salón Teatro
Rúa Nova, 34. 15705, Santiago de Compostela
Teléfono: 881 867 229 (oficina) | 881 867 223 (despacho de billetes)