Centro Dramático Galego

A idea da conversa sempre está moi presente nos nosos espectáculos. Gústanos a idea do teatro como un foro, como un espazo de negociación que serve para tender pontes, para contradicirnos e para achegarnos uns aos outros.

Esta idea de conversación resúltanos profundamente conmovedora e para Terceiro acto, ante a pregunta de como podiamos permanecer vinculados ao pasado nun tempo no que a fenda entre xeracións é tan grande que parece que non podemos herdar as experiencias dos que nos anteceden, propuxémonos ter unha longa e profunda conversa cun grupo de persoas maiores de 60 anos e que ademais dedicaran a súa vida á arte da interpretación e do teatro.

No camiño atopamos cinco persoas extraordinarias, cinco actrices e actores que se entregaron con absoluta xenerosidade á empresa de utilizar o teatro como un lugar para reencontrarse e reflexionar sobre certas cuestións que foron xurdindo ao longo do proceso e converténdose en relevantes. Reflexionamos sobre ese esplendor vital que emana moitas veces do que poderiamos dar en chamar "o terceiro acto dunha vida", preguntámonos como é o proceso de irse facendo maior, falamos dos anhelos, das perdas, dos soños que lles quedan por cumprir dentro e fóra dun escenario, do lugar onde nos coloca a sociedade ao írmonos facendo maiores. Xuntos, lembramos e reflexionamos sobre días pasados, analizamos o impacto da arte na vida destes cinco artistas e buscamos comprender como a historia destas mulleres e homes foi atravesada pola Historia con maiúscula. Cinco persoas que naceron nunha ditadura e que na súa mocidade creron que podían comezar de cero e loitar por un novo mundo. En Terceiro acto analizamos tamén o seu legado e formulamos hipóteses sobre como será o mundo cando eles xa non estean.

Neste momento no que a historia corre a una velocidade endiañada, detémonos para escoitar atentamente, nunha especie de soño poético, a aqueles que van diante de nós, os gardiáns da memoria.

Andrea Jiménez e Noemi Rodríguez

Andrea Jiménez e Noemi Rodríguez son Teatro En Vilo. No ano 2013 fundan en Londres a compañía, que funciona como plataforma para colaboracións internacionais e interdisciplinarias entre creadores de escena, artistas e investigadores que proveñen de distintos países de todo o mundo.

A compañía persegue un constante diálogo co seu contorno social, político e persoal, o que a obriga a renovar constantemente a súa linguaxe escénica.

Desde os seus espectáculos, Andrea e Noemi buscan situarse na fina liña que separa o teatro da vida e a ficción da realidade. Combinando o improvisado e o coreográfico, o grotesco e o autobiográfico, o humor absurdo e a comedia xestual, a tenrura e a irreverencia, o tándem creativo que son Andrea Jiménez e Noemi Rodríguez lanzouse á apaixonante aventura de intentar desentrañar o tempo no que vivimos.

Desde a creación da compañía, os seus espectáculos visitaron numerosas cidades europeas e percorreron gran parte do territorio español. Nas súas viaxes a compañía tivo a oportunidade de pisar os escenarios de teatros e festivais de prestixio como o Centro Dramático Nacional, os Teatros del Canal, o Centro Cultural Conde Duque, o Edinburgh Fringe Festival, o BE Festival, o Buffer Fringe ou o Mimetic Festival de Londres, entre outros. A compañía tamén recibiu numerosos premios, entre eles o Premio Ojo Crítico de Teatro 2019, Premio do Público na Mostra de Ribadavia 2020, Premio do Xurado e Premio do Público no Festival Presente-Futuro de Palermo, Mellor Compañía Emerxente no Mimetic Festival e recibiu catro candidaturas aos Premios Max nas categorías de Mellor Espectáculo e Mellor Autoría Revelación por tres dos seus espectáculos.

Andrea Jiménez e Noemi Rodríguez, a partir de improvisacións co elenco

Andrea Jiménez e Noemi Rodríguez son Teatro En Vilo. No ano 2013 fundan en Londres a compañía, que funciona como plataforma para colaboracións internacionais e interdisciplinarias entre creadores de escena, artistas e investigadores que proveñen de distintos países de todo o mundo.

A compañía persegue un constante diálogo co seu contorno social, político e persoal, o que a obriga a renovar constantemente a súa linguaxe escénica.

Desde os seus espectáculos, Andrea e Noemi buscan situarse na fina liña que separa o teatro da vida e a ficción da realidade. Combinando o improvisado e o coreográfico, o grotesco e o autobiográfico, o humor absurdo e a comedia xestual, a tenrura e a irreverencia, o tándem creativo que son Andrea Jiménez e Noemi Rodríguez lanzouse á apaixonante aventura de intentar desentrañar o tempo no que vivimos.

Desde a creación da compañía, os seus espectáculos visitaron numerosas cidades europeas e percorreron gran parte do territorio español. Nas súas viaxes a compañía tivo a oportunidade de pisar os escenarios de teatros e festivais de prestixio como o Centro Dramático Nacional, os Teatros del Canal, o Centro Cultural Conde Duque, o Edinburgh Fringe Festival, o BE Festival, o Buffer Fringe ou o Mimetic Festival de Londres, entre outros. A compañía tamén recibiu numerosos premios, entre eles o Premio Ojo Crítico de Teatro 2019, Premio do Público na Mostra de Ribadavia 2020, Premio do Xurado e Premio do Público no Festival Presente-Futuro de Palermo, Mellor Compañía Emerxente no Mimetic Festival e recibiu catro candidaturas aos Premios Max nas categorías de Mellor Espectáculo e Mellor Autoría Revelación por tres dos seus espectáculos.

Texto: Andrea Jiménez e Noemi Rodríguez, a partir de improvisacións co elenco
Dirección e dramaturxia: Andrea Jiménez e Noemi Rodríguez

Equipo artístico
Escenografía: Marta Pazos
Vestiario: Yaiza Pinillos
Iluminación: Miguel Ruz
Espazo sonoro: Hugo Torres
Coreografía: Amaya Galeote
Asistencia de dirección: Laura Míguez
Asistencia de escenografía: Carmen Triñanes
Asistencia de produción: Xandre Vázquez

Realizacións
Escenografía e utilería: Equipo técnico do CDG
Vestiario: Equipo técnico do CDG
Máscaras: Beatriz Nieto
Fotografías e vídeos: Miramemira
Deseño gráfico: Trisquelia
Coordinación e corrección de textos: Rosa Moledo

Outubro 2024

Lugo no Auditorio Gustavo Freire
Xoves 24. Función.

Narón no Pazo da Cultura
Sábado 26. Función.

Tui no Teatro Municipal
Xoves 31. Función.

Novembro 2024

Pontevedra no Pazo da Cultura
Sábado 2. Función.

O Barco de Valdeorras no Teatro Lauro Olmo
Venres 8. Función.

Cedeira no Auditorio Municipal
Domingo 10. Función.

A Coruña no Teatro Rosalía Castro
Xoves 14. Función.

Ourense no Teatro Principal
Sábado 16. Función.

Galería de imaxes