CDG: Novas

Novas

ENTRADAS ESGOTADAS

O ciclo ‘Clásicas desfeitas’ estrea na Cidade da Cultura unha revisión en clave de humor do Ricardo III de Shakespeare

[20/02/2025] A Xunta de Galicia promove a estrea este venres de Mala vida e pior morte do rei Ricardo III, unha peza teatral que confronta con humor o cruel retrato da traxedia de Shakespeare protagonizada polo monarca inglés. O espectáculo, que esgotou entradas para esta fin de semana, compón o volume XII das Clásicas desfeitas, o ciclo impulsado polo Centro Dramático Galego e a Cidade da Cultura que revisa obras fundamentais da literatura desde unha óptica contemporánea.

RESIDENCIAS ARTÍSTICAS NO GAIÁS

O ciclo ‘Clásicas desfeitas’ reivindica un retrato máis humano de Ricardo III e de Medea en dúas innovadoras pezas escénicas

[01/02/2025] A Consellería de Cultura, Lingua e Xuventude promove dúas novas creacións escénicas dentro de Clásicas desfeitas, o ciclo de co-producións iniciativa do Centro Dramático Galego coa Cidade da Cultura. Nesta ocasión, as obras revisan a figura histórica e literaria de Ricardo III e o mito de Medea, para propoñer dous retratos máis humanos de ambos personaxes empregando linguaxes e ferramentas do teatro contemporáneo, que terán a súa estrea este mes de febreiro no Gaiás.

BALANCE

O Centro Dramático Galego estendeu a súa actividade a máis da metade dos concellos de Galicia e a 11 países na celebración do 40º aniversario

[27/01/2025] A Consellería de Cultura, Lingua e Xuventude elevou hoxe ao Consello da Xunta o informe de balance da actividade desenvolvida polo Centro Dramático Galego en 2024, ano no que conmemorou o 40º aniversario da súa fundación. As conclusións que se extraen do documento poñen en valor o reforzo do papel da compañía pública como referente cultural e o avance no seu compromiso coa inclusión, a internacionalización e a sustentabilidade a través dunha ampla variedade de proxectos que se estenderon a 160 concellos das catro provincias e a 11 países.

Funcións ata o 9 de febreiro

O espectáculo inclusivo ‘Nada se sabe’ chega ao Salón Teatro de Santiago da man do Centro Dramático Galego e Culturactiva

[15/01/2025] O espectáculo de teatro inclusivo Nada se sabe, coproducido polo Centro Dramático Galego e Culturactiva, terá mañá xoves a súa estrea compostelá no Salón Teatro, onde permanecerá ata o 9 de febreiro para ofrecer unha vintena de funcións. As representacións, que terán lugar de mércores a domingo ás 18,00 h., contarán con diferentes sistemas de accesibilidade e con servizo gratuíto de autobuses desde máis de 40 concellos galegos, ademais de se complementar cunha serie de actividades paralelas como posfuncións ou visitas táctiles.

Ciclo ‘Quintas do Camões’

A coprodución luso-galega ‘Frágua de amor’ abre a carteleira do centro dramático galego para o novo ano no Salón Teatro

[07/01/2025] O Salón Teatro, sede do Centro Dramático Galego en Santiago de Compostela, abre a súa programación de 2025 volvendo a ser un dos escenarios do ciclo de teatro en lingua portuguesa Quintas do Camões, promovido polo Instituto Camões-Centro Cultural Portugués en Vigo. Así, este venres 10 de xaneiro ás 20,00 h. o espazo ofrece en función única a montaxe Frágua de amor, o clásico da literatura portuguesa escrito polo dramaturgo Gil Vicente, coproducida pola compañía pública galega xunto a seis estruturas culturais lusas: Escola da Noite-Grupo de Teatro de Coímbra, O Bando de Surunyo, Artway, Cendrev-Teatro García de Resende, Teatro Académico de Gil Vicente e Teatro Nacional São João.

Anteriores | 1 2 | 3 | 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 | Seguintes

Accesibilidade | Aviso legal