CDG: Novas

Novas

ATA O 19 DE MAIO

Aberta a convocatoria para coproducir un espectáculo a partir do texto escrito ao abeiro da III Bolsa de Dramaturxia do Centro Dramático Galego

[02/05/2025] A Xunta de Galicia acaba de abrir o proceso de selección para a coprodución dun espectáculo teatral a partir do texto escrito por Santiago Cortegoso como gañador da primeira fase da III Bolsa de Dramaturxia e Creación do Centro Dramático Galego. A dotación destinada a esta convocatoria experimenta un incremento de máis do 65% respecto á edición anterior e pasa a situarse nos 25.000 euros.

DESPOIS DA SÚA ESTREA EN PORTUGAL

O Centro Dramático Galego e o colectivo portugués Asta Teatro traen a Galicia a súa coprodución sobre Rosalía de Castro

[25/04/2025] A unidade teatral da Xunta de Galicia e o colectivo portugués ASTA-Teatro e Outras Artes presentan na Comunidade a súa coprodución rosalía, cartografía de ásperas ortigas. con tres funcións no Salón Teatro de Santiago, onde poderá verse entre mañá e o luns.

PRESENTACIÓN EN PONTEVEDRA

'Manuela Rey Is In Da House' regresa a Galicia para unha xira por oito escenarios

[24/04/2025] O Centro Dramático Galego inicia a semana que vén a xira por Galicia do espectáculo Manuela Rey Is In Da House, que poderá verse ata mediados de maio en oito escenarios das catro provincias. As dúas primeiras paradas do percorrido serán a do mércores 30 en Ribeira e o xoves 1 en Pontevedra, onde hoxe se presentou esta coprodución galego-portuguesa que recupera a esquecida figura da actriz mindoniense que chegou a ser a estrela do teatro lisboeta na segunda metade do século XIX.

CHEGARÁ AO SALÓN TEATRO OS DÍAS 3, 4 e 5 DE MAIO

O Centro Dramático Galego e Ítaca Teatro estrean a coprodución ‘Profetas’ en Lugo

[23/04/2025] O Auditorio Municipal Gustavo Freire de Lugo acolle este xoves 24 de abril a estrea do espectáculo Profetas, a nova coprodución do Centro Dramático Galego e Ítaca Teatro. A función será ás 20,30 h. no marco da programación da Rede Galega de Teatros e Auditorios, circuíto cultural impulsado e cofinanciado pola Xunta de Galicia con actividade en máis de 40 escenarios do país.

NO TEATRO MARÍA GUERRERO ATA O 20 DE ABRIL

O Centro Dramático Galego coproduce o espectáculo ‘Roland mon amour’ que Cris Balboa estrea en Madrid

[20/03/2025] O Centro Dramático Galego coproduce coa creadora Cris Balboa e o Centro Dramático Nacional o espectáculo Roland mon amour, que se estrea mañá no Teatro María Guerrero de Madrid, onde permanecerá en cartel ata o 20 de abril. Desde a sede da compañía pública estatal porá rumbo cara á da unidade teatral da Xunta de Galicia, no Salón Teatro de Santiago de Compostela, para ofrecer unha función o 10 de maio como parte do festival Escenas do Cambio, promovido pola Consellería de Cultura, Lingua e Xuventude.

| 1 | 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 | Seguintes

Accesibilidade | Aviso legal