Centro Dramático Galego
De Arthur Miller
Dirección: Nuno Cardoso
"As bruxas de Salem foron un acto de desesperación". Palabras do dramaturgo Arthur Miller sobre a xénese desta obra, baseada en feitos históricos. En 1692, na pequena comunidade americana de Salem, mulleres e homes son perseguidos e xulgados por bruxaría. Os rumores e as mentiras fan estragos e ninguén parece estar a salvo de acusacións ou vinganzas.
Estreada en 1953, As bruxas de Salem foi pensada como un paralelo á escuridade do macartismo que relaba o corazón de América, consumido pola febre anticomunista, que tamén matou a Miller. Dende o seu epicentro -unha fascinación primaria pola paranoia, que sacrifica individuos na súa furia colectiva- hoxe resoan múltiples ecos. Con ela Nuno Cardoso continúa a súa investigación sobre os fundamentos da vida comunitaria, noutro ensaio sobre a cegueira do home social. De novo Miller: "Por debaixo das cuestións sobre a xustiza, a obra descobre un caldo letal de sexualidade ilícita, medo ao sobrenatural e manipulación política".
