Centro Dramático Galego
Dramaturxia: Nauta Teatro
Dirección: Rafael Rey
O Salón Teatro acolle a estrea de O corazón na boca, o proxecto de teatro comunitario que o Centro Dramático Galego desenvolve en colaboración coa Federación Galega de Teatro (Fegatea) e a compañía Nauta Teatro, no marco do proxecto europeo Phone.
O espectáculo conta coa dramaturxia de Nauta e dirección de Rafael Rey e nel participan trece actores e actrices membros dos diferentes grupos de teatro amador asociados á Fegatea. Os aderezos e vestiario desta peza realizáronse no marco da colaboración cos diferentes ciclos formativos do IES A Pinguela de Monforte.
O domingo 28 ás 12:00h haberá unha nova oportunidade de asistir ao espectáculo. As entradas son gratuítas e poderán retirarse na billeteira dende unha hora antes de cada función.
