Centro Dramático Galego
Dirección: Antón Coucheiro
Elenco: Antía Costas, Marta Doviro, Arturo Cobas, Pablo Navas, Antón Coucheiro e Cayetano Lled
A impro toma o Salón Teatro. Todos os luns, ás 20.00 horas, a partir do 24 de xaneiro e ata o 7 de marzo, o CDG ofrece accións escénicas improvisadas para promocionar a súa nova produción A peste. Representarase un espectáculo diferente cada semana.
As pezas inspiraranse na temática e na atmosfera de A peste, así como nas suxestións do público, para realizar variantes libres e aloucadas arredor do clásico de Albert Camus. Ademais, utilizarase a escenografía, o atrezzo e a iluminación da montaxe.
