Centro Dramático Galego
Texto orixinal: Montse Fajardo
Dirección e dramaturxia: Diego Chamizo
Sara é a protagonista desta historia. Unha muller cun pasado de violencia dentro dunha relación. Sara narra a súa historia afastándose do vitimismo e facendo autocrítica nunha peza documental, onde os sentimentos adolescentes son postos en valor deixando atrás o sentimentalismo e analizando unha nova forma de amar lonxe da forma na que foi educada.
Cariño realiza unha viaxe para cuestionar os referentes actuais do amor romántico, os celos e a posesión dentro dunha parella adolescente. Trátase dunha posta en valor daqueles sentimentos que marcan a vida e aos que ninguén lles presta atención porque "son cousas da rapazada". A protagonista, Sara, deixa o sentimentalismo aparte para facer autocrítica e análise da relación que a levou cara ao fondo do precipicio e do que conseguir volver grazas á axuda psicolóxica e os auto-coidados.
