Centro Dramático Galego
Lecturas comúns e complementarias dun corpo de bruxa.
O 2020 foi un ano convulso a moitos niveis pero, como todo annus horribilis, tamén propiciou o nacemento de novos proxectos.
Helena crea Ferro, Federici a partir da relación entre o corpo da muller, o Estado e o traballo. Diana crea The Witch, un espectáculo ritual, a partir da investigación sobre a caza de bruxas. Helena experimenta co corpo en movemento, a performance e a poesía. Diana experimenta co texto, as liñas temporais, os rituais e o vídeo. Ambas reflexionan sobre a situación actual das mulleres, atendendo á historia da caza de bruxas dende unha perspectiva ora simbólica e somática, ora folklórica e cómica; unha historia clave para saber de onde vimos e cara onde imos como colectivo.
