Centro Dramático Galego
Texto: Avelino González, Cándido Pazó, Xavier Lama, Suso De Toro, Ana Iglesias, Núñez Singala, Marta Echeverría
Dirección: Avelino González
Este espectáculo nace dun forte sentimento de amor cara a algo tan propio como a nosa lingua. Non se trata en ningún momento dun exercicio de vitimismo, nada máis lonxe da nosa intención, senón de afondar nun problema real e, certamente, preocupante. Así, pretendemos que esta montaxe supoña para o espectador unha experiencia de redescobremento dunha lingua que existe e que medra na súa inmensa riqueza, a pesar dos usos e abusos aos que está sometida de cotío.
