Centro Dramático Galego
Coreografía e dirección: Nuria Sotelo e Maria Move
Interpretación: Maria Move
Toda a beleza do mundo é un solo de danza e voz. A danza dun proceso no cal o movemento expresa emocións puras. Danza ligada á nosa orixe, península multicultural. A danza da nosa biografía, o lugar da nosa procedencia, o que habitamos. O tambor do noso peito: movemento que vibra, sinto dese xeito ca voz xorde. E chega desde a superficie ao fondo dos corpos. Toda a beleza que xoga co tempo, luz, o ritmo, as capas que se pegan e despegan do corpo, o que nos toca, a velocidade, o abismo, o cambio. A auga, o son, o momento presente. A verdade.
Son.
Expresión; luz e sombra.
Eixo.
Onde toda beleza: nace.
