Centro Dramático Galego
Dirección: María Torres, Gonçalo Guerreiro
Elenco: Alfredo Muíño, Gonçalo Guerreiro, María Torres, Marta Alonso Tejada, Javier Pérez Piñón
KASSA reflicte a temática da vivenda. No inicio da acción a sociedade é seductora, próspera e optimista. A casa, coma un agasallo envolto en papel colorido, representa a realización do soño, da unión e da felicidade familiar. Pero un día esgótanse os recursos económicos colectivos e a família deixa de poder pagar as prestacións do seu soño. Que sorpresas lles reservará o futuro?
KASSA é un espectáculo de teatro visual, inspirado en "La Metamorfosis" de Franz Kafka, que se desenvolve ao redor dos principios da escultura. A estrutura escenográfica, os actores, os bailaríns e as videoproxeccións constitúen un organismo vivo en constante movemento e transformación que comunica a través dos sons, dos obxectos, das cores, das formas, das luces e dos textos.
Técnicas como o video-mapping, a capacidade de xiro da estrutura escenográfica e o uso do live cinema dotan ao espectáculo dun dinamismo moi estimulante que envolve o espectador na emoción da acción.
