Centro Dramático Galego
Dirección e dramaturxia: Marta Pazos
Texto: Matrioshka Teatro
C’est la vie é vida condensada. Unha reflexión intensa e caleidoscópica sobre o tempo e os seus rastros. Matrioshka tende aquí fíos entre a sorpresa de recoñecerse nese segundo que nos cambia a vida e a excitación de comprender que as horas se aceleran proporcionalmente á velocidade do corazón.
Ensamblada peza a peza coma un delicado mecanismo de reloxería, mimada ata o máis mínimo detalle para lograr que o espectador se erga da butaca sentíndose tocado por unha brisa fresca e evocadora, C'est la vie ten o poder de arrastrar a quen a ve a un universo inesperado e fascinante.
