Centro Dramático Galego
Dirección: Xavier Estévez
Autoría: Roi Vidal a partir de textos de Roberto Vidal Bolaño
Teatro Antroido foi a compañía coa que, a principios dos anos setenta, Roberto Vidal Bolaño deu o paso cara á profesionalización escénica. Laura Ponte, a persoa que o acompañou nesa aventura, rescata agora esta estrutura teatral para, a xeito de homenaxe, reivindicar un tempo e un país a través da ollada de seis personaxes femininas representativas do universo literario bolañano e que responden a fragmentos das obras Laudamuco, señor de ningures, Bailadela da morte ditosa, Saxo Tenor, Días sen gloria, Rastros e Criaturas.
