Centro Dramático Galego
Autoría: Gil Vicente
Dirección: Rui Madeira
"Será que a maledicencia, o orgullo, a usura, a concupiscencia, a banalidade, a petulancia, o fundamentalismo, a envexa, a mesquindade, o falso moralismo cristián... teñen entrada directa no Paraíso? Ou terán que pasar polo Purgatorio? Ou van directamente ao Inferno? De feito, onde queda e como designamos o Lugar onde estamos? E que paraíso buscamos?
Unha revisión da CTB, en demanda da modernidade sobre o texto Vicentino e o pracer do xogo teatral.
Un espectáculo sobre a nosa memoria identitaria" (Rui Madeira)
A Companhia de Teatro de Braga (CTB) leva a escena a alegoría dramática de Gil Vicente Auto da Barca do Inferno. Trátase dunha adaptación moderna e cómica do clásico portugués que retrata a clara oposición entre o Ben e o Mal. Utilizando como metáfora o Xuízo Final, cando un tribunal -co Anxo e o Demo- sentenciará a alma daqueles que deixaron a vida terrea e buscan a pasaxe para o paraíso, Gil Vicente amosa as adiccións das diversas ordes sociais e denuncia a podremia da sociedade portuguesa do século XVI.
