Centro Dramático Galego

Borja Cao presenta o seu segundo traballo The future is green no que mestura sons clásicos do jazz con músicas tropicais e ritmos electrónicos. Coa colaboración de Max Gómez á batería e a incorporación de Juansi Santomé ao contrabaixo, este trío continúa a súa andaina xunto co selo Audia Records que segue co seu labor de dar a coñecer facetas do novo jazz feito en Galicia.

O primeiro traballo deste pianista ourensán, exemplo do emerxente jazz galego, saíu á rúa baixo o nome de Match-ball. Todos os temas eran de creación propia e gozou de boa acollida por parte da crítica e prensa especializada.