Centro Dramático Galego
Autoría: Michel Tremblay
Dirección: Roberto Salgueiro
Nun caloroso mes de maio de 1977 na cidade da Coruña, Amalita García é premiada cun millón de cupóns Spar, cos que poderá solicitar todos os regalos do catálogo deste centro comercial. Co fin de pegar os cupóns reúne na súa casa a veciñas, cuñadas e familia, e nesta xuntanza, rodeadas de gaseosas, coca colas e vaixela Duralex, as mulleres falarán das súas preocupacións, dos seus desencontros e das súas esperanzas. Unha comedia ácida onde as cousas non son o que semellan, ou semellan ser outra cousa.
