CDG: Novas

Novas

ARETA BOLADO, NOELIA CASTRO E AILÉN KENDELMAN INTERPRETAN AS DÚAS MONTAXES

A compañía A Panadaría ocupa esta semana o Salón Teatro cos espectáculos 'Pan! Pan!' e 'Panamericana'

[16/02/2016] O Salón Teatro de Santiago recibe esta semana a compañía A Panadaría coa programación dos dous espectáculos realizados ata agora polo trío escénico que integran as actrices galegas Areta Bolado, Noelia Castro e Ailén Kendelman. Así, a partir de mañá mércores e ata o venres, ás 20.30 horas, porase en escena ‘Pan! Pan!’, en tanto que o sábado (20.30 h) e o domingo (18.00 h) representarase ‘Panamericana’.

A OBRA, RECOMENDADA PARA NENOS E NENAS PARTIR DE OITO ANOS DE IDADE, PODERÁ VERSE ÁS 18.30 E ÁS 21:00 HORAS

A compañía Matrioshka presenta 'Manawee' este sábado en función dobre no Salón Teatro

[11/02/2016] A compañía galega Matrioshka representará este sábado día 13 de febreiro no Salón Teatro de Santiago de Compostela o seu último espectáculo, ‘Manawee’, unha proposta para público familiar que fala das emocións da última etapa da infancia, e que poderá verse no espazo da Consellería de Cultura, Educación e Ordenación Universitaria en dobre función, ás 18.30 e ás 21.00 horas.

ÁS 20.30 HORAS NO SALÓN TEATRO

A Escola da Noite de Coimbra presenta mañá en Santiago 'A canoa', versión portuguesa da obra de Cándido Pazó 'A piragua'

[27/01/2016] O Salón Teatro de Santiago recibe mañá xoves a compañía lusa A Escola da Noite, de Coimbra, para a presentación en Galicia do seu espectáculo ‘A canoa’, versión portuguesa da obra de Cándido Pazo ‘A piragua’ que o Centro Dramático Galego (CDG) estreara en 2007. O autor galego é tamén o director desta montaxe, que se representa ás 20.30 horas.

ESTE VENRES 8 DE XANEIRO, ÁS 20.30 HORAS

A primeira adaptación teatral de 'Querido Tomás', de Xosé Neira Vilas, abre a carteleira de 2016 do Salón Teatro

[06/01/2016] O Salón Teatro de Santiago abre a súa carteleira de 2016 coa estrea este venres día 8 da montaxe ‘Querido Tomás’, primeira adaptación teatral da novela homónima de Xosé Neira Vilas. Con esta función, programada para as 20.30 horas, culmina o proxecto posto en marcha por Noelia Toledano xunto ao propio Neira Vilas e que agora se presenta ao público como homenaxe ao autor de Vila de Cruces, falecido o pasado 27 de novembro.

PAULA QUINTAS E MARTA ALONSO INTERPRETAN ESTA PROPOSTA DE TRASPEDIANTE PARA TODOS OS PÚBLICOS

O Salón Teatro despide mañá unha carteleira anual de 210 funcións coa estrea do espectáculo de danza-circo 'Up2Down'

[29/12/2015] A compañía TrasPediante, co espectáculo de danza-circo ‘Up2Down’, ofrecerá mañá 30 de decembro ás 18:00 horas a última representación de 2015 no Salón Teatro de Santiago de Compostela. O escenario da Consellería de Cultura, Educación e Ordenación Universitaria rematará coa estrea desta montaxe dirixida a todos os públicos unha intensa carteleira anual que estivo conformada por 210 funcións escénicas, concertos e proxeccións audiovisuais.

Anteriores | 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 | 66 | 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 | Seguintes

Accesibilidade | Aviso legal